ᐃᕕᕐᑎᕕᒃ
ᓯᕿᓂᕐᒥᐅᑦ ᐃᕕᕐᑎᕕᖓᑦ – ᕘᑕᓐ, ᒪᓐᑐᔨᐊᓪ
4590 de Verdun n° 200, Montréal, QC, H4G 1M3
ᐃᕕᕐᑎᕕᒃ ᓯᕿᓂᕐᒥᐅᓂ, ᑕᒻᒫᓯᒪᔪᖅ ᒪᓐᑐᔨᐊᓪ ᐊᕕᑦᑐᓯᒪᐅᑎᖓᓂ ᓄᓇᓕᒻᒥ ᕘᑕᓐᒥ, ᐅᒃᑯᐃᓚᐅᔪᔪᖅ 2010-ᒥ. ᐅᓪᓗᒥ, ᑖᓐᓇ ᐱᑦᔪᔨᕕᒃ ᑎᑭᓪᓗᒍ ᖁᓕᓗ ᑕᓪᒪᓪᓗᓄᑦ ᑭᒡᒐᑐᒐᖃᓲᖑᕗᖅ ᐃᓄᓐᓂᒃ ᒪᓐᑐᔨᐊᓪ ᐃᓪᓗᒐᓴᓕᖓᑕ ᓄᓇᖓᓂᒥᐅᓂᒃ. ᑐᕌᒐᓕᒃ ᐃᓚᐅᔪᓂᒃ ᐃᑲᔪᕐᑐᓴᐅᑦᓱᓂ ᐃᓚᐅᒍᓐᓇᓯᓂᐊᕐᒪᑕ ᐱᓇᓱᑦᑎᐅᓂᕐᒧᑦ ᐅᕝᕙᓘᓐᓃᑦ ᐃᓕᓐᓂᐊᕕᒻᒧᑦ ᐅᑎᕐᓂᐊᒪᑕ. ᐱᓇᓱᑦᑎᒪᕇᑦ ᓯᑕᒪᑦ ᑕᒡᒐᓂ ᐱᑦᔪᔨᕕᒻᒥ ᐃᓚᐅᔪᓂᒃ ᐃᑲᔪᓲᖑᕗᑦ ᐱᕙᓪᓕᐊᑎᓪᓗᒋᑦ ᐃᒻᒥᓅᓕᖓᔪᓂᒃ ᐊᒻᒪᓗ ᐱᓇᓱᑦᑎᐅᓂᕐᒨᓕᖓᔪᓂᒃ ᐱᔪᓐᓇᕈᑎᓂᒃ ᐊᑐᕐᑎᖃᑦᑕᓱᒋᑦ ᐃᓕᓐᓂᐊᕈᑎᓂᒃ ᐊᒻᒪᓗ ᐱᓇᓱᐊᑦᓴᓂᒃ, ᓇᐅᑦᓯᑐᕐᓗᓂ ᐳᓛᕆᐊᕈᑎᓂᒃ ᐊᒻᒪᓗ ᐊᑕᐅᓯᐅᓈᕐᑎᑐᓂᒃ ᐃᓱᒪᓕᐅᖃᑎᖃᕐᓱᑎᒃ. ᐱᑦᔪᔨᓂᖏᑦ ᒪᓂᔭᐅᔪᑦ ᐅᐃᒍᐃᑎᑐᑦ, ᖃᓪᓗᓈᑎᑐᓪᓗ ᐊᒻᒪᓗ ᐃᓄᒃᑎᑐᑦ. ᕿᑎᕋᕐᓗᒋᑦ, ᑕᒪᑐᒪ ᐱᓂᐊᕐᓂᑕᖓ ᐊᑐᕆᐊᖃᕐᑎᓯᕗᖅ 30-ᓂᒃ ᑫᕙᓪᓚᒍᓯᕐᓂᒃ ᐱᓇᓱᐊᕈᓯᕐᒥ ᑕᒫᑦ ᑕᕐᖀᑦ ᐱᖓᓲᔪᕐᑐᑦ ᓈᓗᒋᑦ.
ᐱᑦᔪᔨᒍᑏᑦ ᐊᑐᐃᓐᓇᐅᔪᑦ ᐃᕕᕐᑎᕕᒻᒥ ᐃᓚᐅᔪᓄᑦ
ᓂᐳᕐᑎᓯᒍᑎᒋᑦᓱᒋᑦ ᑎᓕᔭᐅᒪᒍᑎᒥᓂᒃ ᐱᓇᓱᕝᕕᒧᑦ ᐃᓚᒋᓕᐅᑎᒍᓐᓇᓂᕐᒥᒃ ᑫᓪᓗᐊᑐᑦᓴᐅᓱᑎᒃ, ᑕᒪᖏᑦ ᐃᕕᕐᑎᕖᑦ ᓯᕿᓂᕐᒥᐅᓂ ᐊᒻᒪᓗ ᑕᕐᕋᒥᐅᓂ ᐊᑦᔨᒌᖕᖏᑐᓂᒃ ᐱᕐᕈᓯᕐᓂᒃ ᐊᓱᓲᖑᕗᑦ:
- ᐊᑕᐅᓯᐅᓈᕐᑎᑐᓂᒃ ᐊᔪᕿᒋᐊᕆᓂᖅ
- ᖃᓄᐃᓘᕐᑐᓴᐅᓂᒃᑯᑦ ᑕᓯᐅᕐᓯᓂᖅ
- ᐱᐅᓯᑐᐃᓐᓇᓂᒃ ᐱᔪᓐᓇᕈᑎᓂᒃ ᐱᕙᓪᓕᐊᑎᑦᓯᓂᖅ
- ᓇᒻᒥᓂᖅ ᐊᒻᒪᓗ ᐃᓅᖃᑕᐅᓂᕐᒥᒃ ᐱᕙᓪᓕᐊᑎᑦᓯᓂᖅ
- ᐊᑕᐅᓯᐅᓈᕐᑎᑐᑦ ᐱᓇᓱᒋᐊᓕᖏᓐᓂᒃ ᐸᕐᓇᕈᑏᑦ
- ᐱᓇᓱᒉᑦ ᐱᔭᑦᓴᐅᔪᑦ ᒥᑦᓵᓄᑦ ᖃᐅᔨᒪᒍᑎᖃᕐᑎᓯᓂᖅ
- ᐱᓇᓱᒐᕐᓯᐅᓂᒃᑯᑦ ᓯᕗᓂᓕᐅᕐᓯᒪᒍᑏᑦ
- ᐱᓇᓱᒐᒻᒫᖃᕐᓂᒥᒃ ᐱᕙᓪᓕᐊᑎᑦᓯᓂᖅ
- ᐱᓇᓱᖃᑕᐅᓂᖅ ᐱᓇᓱᑦᑐᓄᑦ ᐱᓇᓱᑦᑎᒪᕆᓐᓄᑦ
- ᐃᑲᔪᕐᑎᒌᒍᑎᓂᒃ ᐱᔭᑦᓴᖃᕈᑏᑦ
- ᐅᐃᒍᐃᑎᑐᑦ ᐃᓕᓐᓂᐊᕈᑏᑦ ᐱᒋᐅᕐᐸᓕᐊᔪᓄᑦ (ᓯᕿᓂᕐᒥᐅᑦ ᐃᕕᕐᑎᕕᖓᓂ ᑭᓯᐊᓂ)
- ᐱᓇᓱᒐᕐᒥᒃ ᐊᓐᓀᑌᓕᓂᖅ
ᐃᓚᐅᒍᒪᕖᑦ ᑕᒪᑐᒪ ᐱᓂᐊᕐᓂᑕᖓᓄᑦ? ᐅᕙᑦᑎᓄᑦ ᐅᖃᕐᓗᑎᑦ ᑐᑭᓯᒋᐊᑦᓯᐊᓂᐊᕋᕕᑦ ᐃᓚᐅᒍᓐᓇᓚᖓᓗᓂ ᓂᐳᕐᑎᒋᐊᓖᑦ ᓱᓇᐅᒻᒪᖔᑕ.