ᐃᕕᕐᑎᕕᒃ ᓱᓇᐅᕙ?

ᑐᕌᖓᓪᓚᕆᑦᓱᓂ ᐃᓄᓐᓄᑦ, ᐃᕕᕐᑎᕕᒃ ᐱᓇᓱᑦᑎᕈᒍᓐᓇᓂᕐᒥᒃ ᐊᒻᒪᓗ ᐱᓯᑎᐅᒍᑎᓂᒃ ᐱᕙᓪᓕᐊᑎᑦᓯᓂᕐᒥᒃ ᐱᒋᐊᕐᑎᓯᒍᑕᐅᓯᒪᕗᖅ ᐊᑐᕈᓐᓇᓱᓂ ᐃᓄᓐᓄᑦ 18-ᓂᒃ ᐅᖓᑖᓄᓪᓗ ᐅᑭᐅᓕᓐᓄᑦ. ᐃᓱᒪᑖᕐᓂᖅ ᐃᕕᕐᑎᕕᒻᒥᒃ ᐱᒋᐊᓚᐅᔪᔪᖅ ᕘᑕᓐᒥ, ᒪᓐᑐᔨᐊᓪ ᓯᕿᓂᕙᓯᖓᑎᒍᑦ ᐊᕕᑦᑐᓯᒪᐅᑎᖓᓂᒃ, ᐊᒻᒪᓗ ᐃᕿᑦᓯᒍᑕᐅᕗᖅ ᑕᐅᑐᒐᕐᒥᒃ ᐃᑲᔪᕐᑐᓴᐅᑦᓱᓂ ᑕᒡᒍᖓ ᐃᓚᐅᔪᓂᒃ ᓄᓇᓕᒻᒧᑦ ᐃᓚᒋᓕᐅᑎᓂᐊᕐᒪᑕ ᐊᕐᖁᑎᖃᕐᓗᑎᒃ ᐱᓪᓚᕆᓐᓂᒃ ᐱᓇᓱᐊᖃᑦᑕᓂᕐᒥᒃ ᑕᒪᓐᓇ ᑲᓱᕐᑎᓯᑎᓪᓗᒍ ᐱᒻᒪᕆᐅᒋᔭᖏᓐᓂᒃ, ᐱᓯᑎᐅᒍᑎᖏᓐᓂᒃ, ᐊᒻᒪᓗ ᑐᕌᕈᒪᓂᕐᓴᖏᓐᓂᒃ. ᓯᑉᑎᒻᐱᕆ 2013-ᒥᓂᒃ, ᑕᒪᑐᒪ ᐱᓂᐊᕐᓂᑕᖓ ᐊᑐᕋᑦᓴᐅᓕᕐᒥᔪᖅ ᐃᓄᒃᔪᐊᒥ, ᓄᓇᕕᒻᒥ.

ᖃᓄᐃᓘᕈᑕᐅᓂᖓ

ᐃᕕᕐᑎᕕᐅᑉ ᐱᓂᐊᕐᓂᑕᖓᓄᑦ ᐃᓚᐅᔪᑦ ᐊᑦᔨᒌᖕᖏᑐᓄᑦ ᐊᑕᖏᕐᓗᓂ ᐱᓇᓱᒍᑎᓄᑦ ᐊᒻᒪᓗ ᑲᑐᑦᔨᓗᒋᑦ ᐱᓇᓱᐊᓕᓐᓄᑦ ᐃᓚᐅᖃᑕᐅᓲᖑᕗᑦ ᑕᒪᓐᓇ ᐃᑲᔪᕐᓯᑎᑦᓱᒍ ᐱᕙᓪᓕᐊᓂᕐᒥᓂᒃ ᐱᓇᓱᑦᑎᐅᒍᓯᕐᓂᒃ, ᐃᑉᐱᒍᓱᓐᓂᒥᒃ ᐃᑲᔪᕐᑎᒌᑦᓱᓂ ᐱᓇᓱᑦᑎᐅᒋᐊᒥᒃ ᐊᒻᒪᓗ ᐃᓂᓪᓚᖓᖃᑕᐅᓂᕐᒥᒃ, ᐊᓯᖏᓐᓂᓗ ᐱᓯᑎᐅᒍᑎᓂᒃ ᐊᑑᑎᖃᓯᒍᓐᓇᑐᓂᒃ ᖃᐅᑕᒫᕐᓯᐅᑎᑎᒍᑦ ᐃᓅᓯᑐᐃᓐᓇᒥ ᐱᓇᓱᕝᕕᐅᓗ ᐃᓗᐊᓂ.

ᐃᕕᕐᑎᕕᐅᑉ ᐱᓂᐊᕐᓂᑕᖓ ᐊᑐᓲᖑᕗᖅ ᐊᑐᕆᐅᕐᐸᓕᐊᔪᒥᒃ ᖃᓄᐃᓘᕈᓯᕐᒥᒃ ᐃᓱᒪᒍᑕᐅᓯᒪᑎᓪᓗᒍ ᓱᓇᓕᒫᓂᒃ — ᑕᕐᓂᒨᓕᖓᔪᓂᒃ, ᐃᓱᒪᑐᓂᕐᒨᓕᖓᔪᓂᒃ, ᑎᒥᒨᓕᖓᔪᓂᒃ ᐅᕝᕙᓘᓐᓃᑦ ᓭᒪᓂᕐᒨᓕᖓᔪᓂᒃ — ᐅᐊᕈᑎᓂᒃ ᐃᓅᑉ ᐃᓅᓯᖓᓄᑦ. ᐃᓚᐅᖃᑕᐅᔫᑉ ᐃᓅᖃᑕᐅᓂᕐᒥᒍᑦ, ᒪᑭᑕᐅᑎᑦᓴᖃᕐᓂᒥᒍᑦ ᐊᒻᒪᓗ ᐃᓗᕐᖁᓯᕐᒥᒍᑦ ᐊᕙᑎᓕᒫᖓ ᓲᓱᒋᔭᐅᔪᖅ ᐃᓱᒪᒋᔭᐅᑦᓯᐊᓱᓂᓗ ᐃᓚᐅᓂᖃᑕᐅᓂᖓᑕ ᐃᓗᓕᒫᑦᓯᐊᖓᓂ.

ᐊᐅᓚᑦᓯᓂᕐᐹᑦ

  • KRG
    ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG)

    ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐱᖕᖑᑕᐅᓚᐅᕐᓯᒪᕗᖅ 1978-ᒥ ᑐᓂᔨᓂᐊᕐᑎᓗᒍ ᐃᓄᓕᒫᓂᒃ ᐱᑦᔪᔨᒍᑎᓂᒃ ᓄᓇᕕᒻᒥᐅᓄᑦ. ᑲᕙᒫᐲᑦ ᓄᓇᕕᐅᑉ ᓄᓇᖓᑕ ᐃᓗᐊᓂ ᐊᒻᒪᓗ ᑯᐯᒃᑯᑦ ᑲᕙᒪᖓ ᑐᓂᔨᓯᒪᔪᑦ KRG-ᒧᑦ ᑲᒪᔨᐅᓂᕐᒥᒃ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᒪᑭᑕᐅᑏᑦ ᐱᕙᓪᓕᐊᓂᖓᓂᒃ, ᑮᓇᐅᔭᓕᐅᕐᑏᑦ ᑎᒥᖏᑦᑕ ᐱᕙᓪᓕᐊᓂᖓᓂᒃ, ᐱᓇᓱᒐᑦᓴᓕᕆᓂᕐᒥᒃ, ᐱᒋᐅᕐᓴᑎᑦᓯᒍᑎᓂᒃ ᐊᒻᒪᓗ ᑮᓇᐅᔭᕐᑎᒍᑦ ᐃᑲᔪᕐᓯᐅᑎᓂᒃ, ᐊᓯᖏᓐᓂᓗ ᐱᑦᔪᔨᒍᑎᓂᒃ ᐃᓄᓐᓅᓕᖓᔪᓂᒃ ᓄᓇᕕᐅᑉ ᐃᓗᐊᓂ.

    ᑐᑭᓯᒋᐊᕈᒪᒍᑦᓯ, ᐅᓇ ᐳᓛᕐᓗᒍ:  http://www.krg.ca

  • LogoPSJeunesse
    ᐃᓅᓱᑦᑐᓂᒃᐃᑲᔪᕐᑏᑦ (P.S. Jeunesse)

    ᑕᒻᒫᓯᒪᑦᓱᑎᒃ ᓵᓚᐱᐊᕆ-ᑎ-ᕚᓕóᐄᓪᑦ ᓄᓇᓕᖓᓂ (Salaberry-de-Valleyfield), ᑖᒃᑯᐊ P.S. Jeunesse–ᑯᑦ ᐱᓇᓱᑦᑎᐅᒍᓐᓇᓯᓂᕐᒥᒃ ᐱᓇᓱᐊᒐᖃᕐᓯᒪᓕᕐᑐᑦ ᐊᕐᕌᒍᐃᑦ 30 ᐅᖓᑖᓄᑦ. ᑎᒥᖓ ᑕᓪᓕᒪᓂᒃ ᐱᑦᔪᔨᕕᓕᒃ (Valleyfield, St.Remi, Chateauguay, Huntington, Vaudreuil) ᐊᒻᒪᓗ ᖃᓪᓗᓈᑎᑐᑦ ᐅᐃᒍᐃᑎᑐᓪᓘᓃᑦ ᐅᖃᐅᓯᖃᕐᑎᓗᒋᑦ ᐱᔭᑦᓴᖃᕐᑎᓯᓲᖑᑦᓱᓂ ᐱᓂᐊᕐᓂᖓᓂ ᐃᓚᐅᔪᓄᑦ. P.S. Jeunesse–ᑯᑦ ᑲᒪᔨᐅᕗᑦ ᐃᓕᓐᓂᐊᕈᑎᓂᒃ ᐊᒻᒪᓗ ᐱᑦᔪᔨᒍᑎᓂᒃ ᑕᒪᖏᓐᓂ ᐃᕕᕐᑎᕕᐅᑉ ᐱᓇᓱᕝᕕᖏᓐᓂ.

    ᑐᑭᓯᒋᐊᕈᒪᒍᑦᓯ, ᐅᓇ ᐳᓛᕐᓗᒍ:  www.psjeunesse.org

  • ᑯᐯᒻᒥᑎᒥᐅᔪᑦᐊᑕᐅᓯᐅᓕᖓᔪᑦᐱᓇᓱᑦᑎᐅᒍᓐᓇᓂᕐᒥᒃᐱᕙᓪᓕᐊᑎᑦᓯᓂᖅᐱᑦᔪᑎᒋᓗᒍ (AXTRA)

    AXTRA-ᑯᑦ, ᖄᖏᕐᓂᑯᓕᐅᕐᑎᐅᒐᑎᒃ ᑎᒥᐅᕗᑦ, ᑎᒥᖕᖑᑕᐅᓯᒪᑦᓱᑎᒃ 1987-ᒥ. ᑖᒃᑯᐊ ᐊᒥᓱᐃᓂᒃ ᑎᒥᓂᒃ ᖃᓗᓯᓯᒪᔪᑦ ᑕᖏᖃᕐᓱᑎᒃ 90-ᓂᒃ ᐃᓚᐅᔪᓂᒃ ᑎᒥᓂᒃ 15-ᖏᓂ ᐃᓚᒋᔭᐅᔪᓂ ᐊᓪᓚᕕᓕᕆᓂᒃᑯᑦ ᑯᐯᒃᑯᑦ ᓄᓇᖏᓐᓄᑦ 17-ᓄᑦ. ᑭᒡᒐᑐᕐᑎᐅᓱᑎᒃ ᑲᑎᓕᒫᕐᓱᒋᑦ 80,000 ᐅᖓᑖᓄᑦ ᐃᓄᓐᓂᒃ ᐊᕐᕌᒍᒥ ᑕᒫᑦ, AXTRA–ᑯᑦ ᐊᖏᓂᕐᐹᖑᕗᑦ ᐃᓄᒻᒪᕇᑦ ᐱᓇᓱᑦᑎᕈᒍᓐᓇᓂᖓᓄᑦ ᑲᑐᑦᔨᖃᑎᒌᓐᓂᓕᒫᓂ ᑯᐯᒃ ᐃᓗᐊᓂ.

    ᑐᑭᓯᒋᐊᕈᒪᒍᑦᓯ, ᐅᓇᐳᓛᕐᓗᒍ:  www.axtra.ca

Covid-19

Our organisation is strictly adhering to the recommendations of the Quebec Government to slow the spread of the COVID-19 virus. Our « in person » services are temporarily suspended. The pandemic situation is evolving rapidly and we will continue to…