Montréal

ᐊᑎᖓ: ᐃᕕᕐᑎᕕᐅᑉ ᐁᓯᒪᓂᖓ ᒪᒧ! ᓄᓇᓕᑐᖃᑦᓴᔦᑦ ᐱᓇᓱᒐᕐᓂᒃ

ᐊᕐᕌᒍᐃᑦ ᑐᖓᓕᕆᓕᕐᑕᖓᓄᑦ, ᐃᕕᕐᑎᕕᒃ ᓵᕋᐲᖃᓚᐅᔪᔪᖅ ᒪᒧ! ᓄᓇᓕᑐᖃᑦᓴᔦᑦ ᐱᓇᓱᒐᕐᓂᒃ ᑕᑯᑎᑦᓯᕕᖓᓂ, ᐊᑐᕐᑕᐅᑎᓪᓗᒍ ᒫᑦᔨ 21-ᖑᓚᐅᕐᑐᒥ, 11-ᒥᒃ ᐅᓪᓛᑯᑦ 5-ᒧᑦ ᐅᓐᓄᓴᒃᑯᑦ, ᓯᓚᑦᑐᓴᕐᕕᐅᑉ ᐅᑳᒻ ᐃᓱᒪᑕᕈᑎᓂᒃ ᐃᓕᓐᓂᐊᕕᖃᐅᑎᖓᓂ. ᐱᓇᓱᑦᑏᑦ ᐊᒻᒪᓗ ᐃᓚᐅᖃᑕᐅᔪᑦ ᕗᑕᓐ ᐃᕕᕐᑎᕕᖓᓂ ᑕᒪᑐᒪ ᓇᓪᓕᐅᓂᖓᓄᑦ ᐃᓚᐅᓚᐅᔪᔪᑦ ᐱᔪᓐᓇᓯᓚᐅᔪᒻᒥᓱᑎᓪᓗ ᖃᐅᔨᒪᐅᑎᖃᑎᑦᓴᓂᒃ, ᑲᑎᒪᓂᐊᕈᓯᕐᓄᓗ ᐁᒍᓐᓇᓯᑦᓱᑎᒃ ᐊᒻᒪᓗ ᑲᑦᓱᙰᓕᓇᕐᑐᐹᓗᓐᓂᒃ ᐱᔭᖃᕐᓯᒪᔪᑦ ᐅᓂᒃᑳᕈᑎᖏᓐᓂᒃ ᑐᓵᒍᓐᓇᓯᒻᒥᓱᑎᒃ. ᐳᓛᕐᑏᑦ ᐃᕕᕐᑎᕕᐅᑉ ᓵᕌᐱᐊᓄᑦ ᓄᕐᖃᓚᐅᕐᑐᑐᑦ ᖃᐅᔨᒪᒍᑎᓂᒃ ᑕᑯᒍᓐᓇᖃᑦᑕᓚᐅᔪᔪᑦ ᐱᑦᔪᑎᓕᓐᓂᒃ ᐱᑦᔪᔨᕕᖓᑕ ᐱᓂᐊᕐᓂᖓᓂᒃ ᐊᒻᒪᓗ ᐱᒍᑦᔨᒍᑎᖏᓐᓂᒃ.

ᑖᓐᓇ ᓯᑕᒻᒥᒍᑕᐅᓕᕐᑐᖅ ᓄᓇᓕᑐᖃᑦᓴᔦᑦ ᐱᓇᓱᒐᕐᓂᒃ ᑕᑯᑎᑦᓯᓂᖓᑦ ᐱᕕᖃᕐᑎᑕᐅᓚᐅᔪᔪᖅ ᐊᑦᓱᕈᕐᓱᑎᒃ ᐱᓇᓱᑦᓯᒪᒻᒪᑕ ᐃᓕᓐᓂᐊᓂᕐᒥᒃ ᐊᒻᒪᓗ ᐱᓇᓱᑦᑎᐅᒍᓐᓇᓂᕐᒥᒃ ᑲᒪᖃᑎᒌᑦᑐᑦ ᒪᓐᑐᔨᐊᓪ ᐃᓪᓗᒐᓴᓕᖓᓂ ᓄᓇᖃᕐᖄᓯᒪᔪᑦ ᐊᑕᖏᕐᓗᒋᑦ ᓯᕗᓂᓕᐅᕐᓯᒪᐅᑎᓄᑦ ᐱᑐᑦᓯᒪᐅᑎᔪᓂ,  ᓄᓇᓕᑐᖃᑦᓴᔭᕐᓂᓪᓗ ᑲᒪᖃᑎᒌᑦᑐᑦ ᑯᐯᒻᒧᑦ ᓯᓚᑦᑐᓴᕐᕕᒥ ᒪᓐᑐᔨᐊᒥ ᐊᒻᒪᓗ ᐃᓪᓗᒐᓴᓕᓐᓂ ᐱᑦᔪᔨᓂᕐᒧᑦ ᐊᓪᓚᕕᖓᓂᒥᐅᑦ ᓄᓇᓂᑐᖃᑦᓴᔦᑦ ᐃᓄᖏᓐᓂᒃ ᐱᓇᓱᑦᑎᐅᓂᒃᑯᑦ ᐱᕙᓪᓕᐊᑎᑦᓯᓂᕐᒥᒃ ᑲᒪᔪᑦ ᑯᐯᒻᒥ. ᐃᓕᖓᓪᓚᕆᑦᓱᓂ ᐊᓯᖏᓐᓅᖏᑦᑐᖅ ᓄᓇᓕᑐᖃᑦᓴᔦᑦ ᐃᓅᓱᑦᑐᖏᓐᓄᑦ, ᒣᑏ ᐃᓅᓱᑦᑐᖏᓐᓄᑦ ᐊᒻᒪᓗ ᐃᓄᓐᓄᑦ, ᑕᒪᓐᓇ ᑐᕌᕐᐳᖅ ᐱᖕᖑᐃᓂᕐᒧᑦ ᐃᓂᒥᒃ ᑖᒃᑯᐊ ᐃᓅᓱᑦᑐᐃᑦ ᓇᓂᓯᕕᒋᒍᓐᓇᑕᖓᓂᒃ ᖃᐅᔨᒪᒍᑎᑦᓴᓂᒃ ᐱᒋᐊᓕᖏᓐᓂᒃ ᐱᓇᓱᒉᑦ ᐱᔭᑦᓴᐅᔪᑦ ᒥᑦᓵᓄᑦ, ᐊᑐᕋᑦᓴᐅᔪᐃᑦ ᐱᓂᐊᕐᓂᖃᕈᑏᑦ ᐱᒍᑦᔨᒍᑏᓪᓗ ᒥᑦᓵᓄᑦ, ᐊᒻᒪᓗ ᐱᔪᓐᓇᓗᑐᕆᐊᓖᑦ ᐱᔪᓐᓇᕈᑏᑦ ᒥᑦᓵᓄᑦ ᐃᓚᐅᑦᓯᐊᕈᓐᓇᓚᖓᓗᓂ ᐱᓇᓱᑦᑎᐅᖃᑕᐅᓂᕐᒧᑦ.

General

ᑐᖕᖓᓱᒋᑦ ᐃᕕᕐᑎᕕᒻᒧᑦ (ivirtivik.org)

ᐃᕕᕐᑎᕕᐅᑉ ᐱᓂᐊᕐᓂᖓᑕ ᖃᕆᑕᐅᔭᓄᑦ ᒪᑐᐃᖕᖔᕕᖓ ᐃᖏᕐᕋᓯᕗᖅ! ᐃᕕᕐᑎᕕᒻᒥᒃ ᐱᓇᓱᑦᑏᑦ ᑐᑭᑖᕋᒥᒃ ᑖᑦᓱᒥᖓ ᓄᑖᒥᒃ ᐱᓇᓱᒍᑎᒥᒃ ᐃᖏᕐᕋᓯᑎᑦᓯᓚᖓᑦᓱᑎᒃ, ᐊᒥᓱᐃᓂᒃ ᑐᕌᕈᒪᔭᒥᓂᒃ ᐃᓱᒪᒋᔭᖃᓚᐅᔪᔪᑦ: ᖃᐅᔨᒪᔭᑦᓴᓂᒃ ᐃᕐᐸᑎᕆᓂᖅ ᐃᕕᕐᑎᕕᐅᑉ ᐱᓇᓱᒐᓕᕆᓂᒃᑯᑦ ᐱᑦᔪᔨᒍᑎᖏᑦᑕ ᒥᑦᓵᓄᑦ ᐊᒥᓲᓂᕐᓴᓄᑦ ᐃᓄᓐᓄᑦ; ᑐᓂᔨᓂᖅ ᖃᐅᔨᒪᔭᑦᓴᓂᒃ ᐃᓚᐅᓯᒪᔪᓄᑦ, ᐅᓪᓗᒥ ᐃᓚᐅᖏᓐᓇᑐᓄᑦ ᐊᒻᒪᓗ ᑭᖑᓂᕐᒥ ᐃᓚᐅᓯᑐᐃᓐᓇᕆᐊᓕᓐᓄᑦ, ᐊᒻᒪᓗ ᑐᓴᑦᑕᐅᑎᑦᓯᓂᖅ ᓄᑖᖑᓂᕐᐹᓂᒃ ᑐᓴᕋᑦᓴᓂᒃ ᐱᓂᐊᕐᓂᑕᖓᑕ ᒥᑦᓵᓄᑦ.

ᐱᔭᕆᐊᑭᑦᑑᓱᑎᒃ ᑕᑕᓪᓗᐊᕋᑎᓪᓗ ᐊᓪᓚᓯᒪᓂᖏᑦ, ᑌᒃᑯᐊ ᐱᖓᓲᔪᑐᐃᑦ ᒪᑉᐱᒉᑦ ᑕᑯᑦᓭᑦ ᐃᕕᕐᑎᕕᒃᑯᑦ ᒪᑐᐃᖕᖔᕕᖓᓂ ivirtivik.org  ᐃᑲᔪᕐᓯᒍᓐᓇᑐᑦ ᑐᑭᓯᔫᒥᒍᑎᒋᓗᒋᑦ ᐱᓂᐊᕐᓂᖓᑕ ᐱᑦᔪᔨᓂᖓᑕᓗ ᒥᑦᓵᓄᑦ ᐱᑦᔪᔨᕕᖏᓐᓂ ᕘᑕᓐᒥ ᐊᒻᒪᓗ ᐃᓄᒃᔪᐊᒥ. ᑐᓴᕋᑦᓴᓅᓕᖓᔪᓂᒃ ᑕᒡᒐᓂ ᑕᑯᒋᐊᑦᓴᐅᑎᒋᖃᑦᑕᖁᕙᓯ ᐊᓪᓚᓂᐊᕐᕕᓴᐅᒻᒪᑕ ᐃᓚᐅᓯᒪᔪᑦ ᐱᔭᖃᕐᓂᒥᓂᒃ ᐅᓂᒃᑳᕈᑎᖏᓐᓂᒃ ᐊᒻᒪᓗ ᐊᓪᓚᓂᐊᕋᑦᓴᓂᒃ ᐱᑦᔪᑎᓕᓐᓂᒃ ᐃᕕᕐᑎᕕᐅᑉ ᐱᓇᓱᖃᑕᐅᒍᑎᖏᓐᓂᒃ ᓄᓇᓕᓐᓄᑦ, ᖃᐅᔨᓴᕐᑕᐅᓯᒪᔪᓂᓪᓗ, ᐊᒻᒪᓗ ᐊᓯᖏᓐᓂᒃ ᑐᓴᕈᒥᓇᕐᑐᓂᒃ ᐃᓄᓐᓄᑦ ᓄᓇᓕᓐᓄᑦ ᒪᓐᑐᔨᐊᓪᒥ ᐊᒻᒪᓗ ᐃᓄᒃᔪᐊᒥ.

ᖃᐅᔨᒋᐊᓪᓚᕈᒪᕕᓰ? ᖃᓄᐃᓕᓗᓯ ᐱᓇᓱᑦᑎᑎᓐᓄᑦ!

ᐳᓛᑦᓯᐊᕆᑦᓯ!

Categories
Archives